Saturday, December 6, 2014

කතරගම යෑම සහ වෙනත් කතා

පොඩි නිවාඩුවකට ආපු ගමන් කතරගම ගියා හයිවේ එකේ. මාතරටම දැම්මට පස්සේ ගිහිල්ල තිබ්බේ නැහැ. කතරගම ගැන කතාවට ඉස්සෙල්ල  හයිවේ එකේ මැද හරියේ  තියෙන  කඩ පේලිය ගැන කතාවක් තියේ කියන්න.  

මම සාමාන්‍යයෙන්  කඩ වලින් කන්නේ නැහැ. එත් මෙතන නවත්තපු හින්ද නඩේ කෙනෙක් හැමෝටම බනිස් සහ කොපි අරං දුන්න. මොකෙන්ද ? මෝනිස් ගේ බේකරි කඩෙන්. බනිස ඇල්ලුව විතරයි තේරුණා ඒක අඩු ගානේ දවස් 3-4 ක් වත් පරණයි කියල. කෑල්ලක් කැඩුවම විස්කිරිඥ වල වගේ කුඩු වැටෙනවා. හැබැයි  පිට කඩේක රු 25 ක් උනාට මෙතන රු 40.  වැඩි මිලට දහ  ජරාව.  

වෙන අවස්තාවක නං මම මේක ආයි  දීල සල්ලි ඉල්ලා ගන්න බලනවා. නමුත් මම ගත්ත දෙයක් නොවෙන නිසාත්,   බොක්කවල්  බෙංගාල බොක්ක වගේ පිහිටලා තියෙන වෙන කීප දෙනෙක් රස ගුණ , අඩු වැඩිය බලන්නේ නැතිව මගේ බනිසටත්  වග කියපු නිසාත් මට ඒ අවස්තාව ලැබුනේ නැහැ. නමුත් මලත් එක්ක මම පෑනක් අරන් මෙහම ලියල එතෙන්න්ට යන එන කාටත් පේන්න මේසේ  උඩ තිබ්බා.   


තිබ්බ හැටියේ මගේ ගමන් සගයෙක් ඒක අනිත් පැත්ත හැරෙව්වා ?  මම ඇහුව ඇයි එහෙම කරන්නේ කියල? එතකොට විරිත්තල කියනවා "නෑ එහෙම කරන්න හොඳ නැහැ නේ !"

හා හා , මිනිස්සුන්ට වැඩි ගානට බනිස් කියල පරණ කුණු මල ජරාව විකුණලා ගසා කන්න හොඳයි. එත් ඒක වැරදියි කියල කියන එක හොඳ නැහැ.!

මෙතැන ටික වෙලාවක්  ඇදිල ගිය   කතාවෙන් පස්සේ අපි නැගිටලා එනකොට මම මේක ආයි හැමෝටම පේන්න මෙසේ මැද  තියල ආව. මම ඇස් කොනින් දැක්ක වෙන ගමන් සගයෙක් මම යනකන් ඉඳල ඒක මේසයන් ඉවත් කරලා ගුලි කරලා දානවා. මම නොදැක්ක වගේ ගියා. යන අයත් එක්ක  ප්‍රශ්න දා ගන්න ඕනේ නැහැ නේ.

ඒ කතාව එතනින් ඉවරයි. එතනිං පිටත් වෙලා කෙලිම්ම හම්බන්තොට කැලේ මැද්දේ දාපු හයිවේ උඩිං ගියා කතරගමට. වැඩි කැටයන් නැතුව කියනව නං ඔක්කොම වැඩ ඉවර වෙලා සර්කිට් බංගලෝ එකේ නිදා ගන්න වෙලාව ආවා. කිරි අප්පේ කියන්න....  එහෙව් මදුරු විමානයක මං නං ජිවිතේට ඉඳල නැහැ. උං මදුරුවෝ නෙමෙයි මරුවෝ. පැඟිරි තෙල් ගාගෙන , මෝටින් මැට් දාගෙන   , කොයිල් පත්තු කරන නිදාගත්තත් කනවා. එහෙම කරන්න උනේ මදුරු නෙට් දීල තිබ්බ නැති නිසා.  උදේ වෙනකොට කකුල් දෙකම කොට්ට වගේ ඉදිමිලා මදුරුවෝ කාලා. හරි කමක් නැහැ.  හැබැයි නිතර මිනිස්සු යන එන තැනක් නිසා ඩෙංගු හැදීමේ සම්භාවිතාවත් තිබීම තමයි නරක. 

සාමාන්‍යයෙන් මේ වගේ තැනක මදුරු නෙට් ආයතනයෙන් ලබා දෙනවා. නැත්නම්  එතන කෙයාර් ටේකර් ට ඉල්ලුම් කරලා ආයතනයෙන් ලබා  ගන්න පුළුවන්. එක්කෝ මිනිහ ජොබ් එක කරන්නේ නැහැ. නැත්නම් ලැබුන මදුරු දැල්/ මොටීන් ස්ප්‍රේ  පිට විකුනලා. මම කිව්වා  පොතේ ලියල යමු අඩු ගානේ මදුරුවෝ ඉන්නවා කියලවත් කියල.  

ගමන් සගයෙක් : අපෝ එහෙම   කරන්න හොඳ නැහැ නේ. මිනිහගේ ජොබ් එක යයි. පවු වැඩේ. ඕව පැමිණිලි පොතේ  ලියන්න යන්න එපා 
මම : @#$%^&*()_+@#$%^&*

කතා දෙකම ඉවරයි.  මම ලංකාවේ ප්‍රජාතන්ත්‍ර වාදයේ විකුර්තිය සහ  පරිහානිය ,  සමාජ සංස්ථා වල  , ආයතන වල පරිහානිය  ගැන  සමාලෝචනයක් ලියන්න මහන්සි වෙන්නේ නැහැ. වැඩක් නැහැ.

ලැරී කිංග් තැනක මෙහෙම කියනවා. හැබැයි මිනිහ කියන්නේ ඇමරිකාව ගැන.

We are fortunate to live in a country where you have the right to be treated fairly. Whats more when you feel that you have not been treated fairly , you also have the right to insist on being treated fairly. Exercising this right means clearly , tactfully and effectively expressing your preferences , needs  , opinions and feelings. But this is more than just a right.You even have a responsibility to do these things.because if you don’t , you not only depriving yourself from what you deserve , you are also depriving people around you of the real contributions you have to make. Putting these rights and responsibilities in to action is what a responsible citizen should do.

Tuesday, July 8, 2014

The Best Kind of Different

Few months back I was invited to a dinner with a family I have never been with before. My whole family went and being the  person I am , I took a book with me to pass the bordem of social interactions. Everyone chatted , laughed and seemed to have  had a really good time talking socially acceptable random rubbish  while I kept my self to a corner and tried to finish my book. The book being "Gota's War" has nothing to do with the story.

Few days later I got the feedback through my Mom. Host happend to be really irritated and puzzled by my behaviour of sitting in a corner and reading a book in his dinner party. Seemingly antisocial , rude and inconsiderate behaviour in someone's party. And my mother's  advise to me was to not to do anything strange , quirky and absurd thing like that in the future. If i would have got this feed back few years back , this remarks and feedbacks about my nonconventional behaviour would have   made me feel sad and bad. A feeling of being socially  ridiculed , laughed at and being categorised as being different would have made me want to try harder to become socially acceptable and being loved.

But you know what ? I really dont give a rat's arse now. Why ? Because thats how I am. if people have problem with that , then its their problem. Not mine. Im different. If people cant get it, why would I bother to care ?

Sounds familiar ? Maybe. Maybe not.  Instead of writing much Ill put some videos. I have RSI (Repetitive strain injuries ) on both my hands at the moment by overusing the keyboard. So till they get healed I can not write much. but I intend to do so once im Oky.

What is Asperger Syndrome? - Part 1


What is Asperger Syndrome? - Part 2


What is Asperger Syndrome? - Part 3


What is Asperger Syndrome? - Part 4


My life with Asperger's: Daniel Wendler 

Friday, April 4, 2014

ලාංකේය ඉතා කුඩා ලොල්(?) කතා


ලවර්ස්‌ ලීප් ගිනි තැබීම ගැන ඇල්ලූ ළමයි පරිවාස භාරයට

පිදුරු තලාගල රක්‍ෂිතයේ ලවර්ස්‌ ලීප් කොටසේ ඇති වූ ගින්න සම්බන්ධයෙන් නුරවඑළිය පොලිසිය නුවරඑළිය මහෙස්‌ත්‍රාත් අධිකරණය හමුවට පෙරේදා (2 වැනිදා) ඉදිරිපත් කළ ළමයින් තිදෙනකු ලබන 16 දා දක්‌වා පරිවාස භාරයේ තැබීමට නුවරඑළිය මහෙස්‌ත්‍රාත් සම්පත් හේවාවසම් මහතා නියෝග කළේය.

ගින්න පැතිර ගිය රක්‍ෂිතයට ආසන්න පීඩෲ වතුයායේ පදිංචි මෙම දරුවෝ වයස අවුරුදු පහළොව හා දහසය වයස්‌වල පසුවෙති.

පිදුරුතලාගල රක්‍ෂිතයේ අක්‌කර තුනක පමණ ප්‍රදේශයක ගින්න පැතිරී ගිය බවත් රක්‍ෂිතයේ තිබූ මහරත්මල්, අලු බෝම්ඹු, මීමන බෝවිටිය, උඩවැඩියා ආදී ශාක විශාල ප්‍රමාණයක්‌ ගින්නෙන් වැනසී ගොස්‌ ඇති බවත් කියති.

ඩග්ලස්‌ නානායක්‌කාර - නුවරඑළිය

කුඹුක්‌ දැව ජාවාරම වැටලීමට ගිය පොලිසිය ඇමැති ලේකම් දැක දුවයි

පුත්තලම සාලියවැව පොලිස්‌ වසමට අයත් කලාඔය රක්‌ෂිතයේ මහා පරිමාණයෙන් ක්‍රියාත්මක වූ කුඹුක්‌ දැව ජාවාරමක්‌ වැටලීමට ඊයේ (03 දා) ගිය පොලිස්‌ කණ්‌ඩායමක්‌ එම ස්‌ථානයේ ඇමැතිවරයෙකුගේ පෞද්ගලික ලේකම්වරයකු සිටිනු දැක බියට පත්ව පලා ගිය පුවතක්‌ වාර්තා වේ.

සාලියවැව කලාඔය රක්‌ෂිතයේ තිබූ වසර සිය ගණනක්‌ පැරණි කුඹුක්‌ගස්‌ ඇමැති ලේකම්වරයා ද මැදිහත්වී කපා දමා ඇතැයි ප්‍රදේශවාසීහු පැවැසූහ. දින කිහිපයක්‌ තිස්‌සේ ක්‍රියාත්මකවූ මෙම දැව ජාවාරම සාලියවැව පොලිසියේ උසස්‌ නිලධාරීන්ගේද සහාය මත ක්‍රියාත්මක වන බව ඔවුහු වැඩිදුරටත් පැවැසූහ. ඒ අනුව මෙම දැව ජාවාරමට සම්බන්ධ සැකකරුවන් අත්අඩංගුවට නොගන්නේ මන්දැයි සාලියවැව පොලිසියේ ස්‌ථානාධිපති පොලිස්‌ පරීක්‍ෂක රංජිත් අබේනායක මහතාගෙන් අප විමසීමක්‌ කළ අතර එහිදි කියා සිටියේ හැකි ඉක්‌මනින් අදාළ ස්‌ථානයට පොලිස්‌ කණ්‌ඩායමක්‌ යවන බවයි.

ඒ අනුව දැව ජාවාරම ක්‍රියාත්මක වූ ස්‌ථානයට පොලිස්‌ කණ්‌ඩායමක්‌ ගොස්‌ ඇති අතර ඒ අවස්‌ථාවේ ඇමැතිවරයෙකුගේ පෞද්ගලික ලේකම්වරයෙකු සිටිනු දැක බියට පත් පොලිස්‌ කණ්‌ඩායම සැකකාර ඇමැති ලේකම්වරයා හා ඔහුගේ කැබ් රථය අත්අඩංගුවට ගෙන නැති අතර පොලිස්‌ කණ්‌ඩායම එම ස්‌ථානයෙන් පලා ගොස්‌ තිබේ. එම අවසරයෙන් ඇමැති ලේකම්වරයා ඇතුළු දැව ජාවාරමේ නිරත වූවන් එම ස්‌ථානයෙන් පලා ගොස්‌ තිබේ. 

සිද්ධියට සම්බන්ධ ඇමැති ලේකම්වරයා ඇතුළු සැකකරුවන් හා ඔවුන් පැමිණ ඇති බවට සැලකෙන ඇමැති ලේකම්වරයාගේ කැබ් රථය ඇසින් දැක තිබියදීත් අත්අඩංගුවට නොගත්තේ මන්දැයි දැන ගැනීමට සාලියවැව පොලිසියේ ස්‌ථානාධිපති පොලිස්‌ පරීක්‍ෂක රංජිත් අබේනායක මහතා දුරකථනය ඔස්‌සේ යළි සම්බන්ධකර ගැනීමට අප ගත් උත්සාහය ව්‍යර්ථ විය.

සුබසිංහ බණ්‌ඩාර -සාලියවැව 

No Comments. Only in Siri Lanka.

Saturday, March 22, 2014

සිය රට දේ සිරිසැප දේ- No Thanks


අද දවල් එ*** හ** එකට ( aka දිය රස කැෆේ ) ගියා බත් පැකට් කීපයක් ගන්න.  උයල පුරුද්දක් නැහැ නේ.  යනකොටම කුස්සියෙන් අක්ක කෙනෙක් ගෙනල්ල දැම්ම කෙසෙල් කොලේ ඔතාපු බත් පැකට් වගයක්. මයේ හිතේ ඒවාට කියන්නේ ගැමි රසද කොහෙද. 

බත් ඉල්ලුවම අක්ක ඇහුව ගැමි රසෙන් දෙන්නද කියල. මගෙත් තියෙන කැසිල්ලට මම ඇහුව මොනවාද තියෙන්නේ කියල ඕක අස්සේ. වට්ටකයි කරෝලයි , කංකුන් එක්ක නෙලුම් අළලු. බුදු අම්මෝ මට එපා.  අක්ක අහනවා ඇයි එලොලු  කන්න ආස නැද්ද ? ලංකාවේ අපේ කෑම කොච්චර රහද කියල පොඩි මාකටිං  පාරකුත් දුන්න. මම ඉතිං මෝඩය  වගේ ඔලුව  වන වන හිනා වේවි ඉඳල සාමාන්‍ය බත් වලින් පැකට් දෙකක් අරගෙන ආව. 

ඇයි මොකද්ද ප්‍රශ්නේ ? ලාංකේය දේවල් , ලාංකේය කෑම කළු සුද්දට  දැන් හොඳ නැති වෙලාද ? ඒවා පොෂ් මදිද ?

මෙහෙමයි. ඔය හැම හොටලේකම තියෙන කෑම දිව ගාන එකා වෙච්චි     ,  හොඳට  උයන්න දන්න  කෙනෙක් ගේ අතින් හදපු ලංකාවේ කෑම තරං රස කෑම මං නං වෙන කිසිම තැනකින් කාල නැහැ.  ඒක නෙවෙයි පුරස්නේ,

නෙලුම් අල හැදෙන්නේ කොහෙද ? ලංකාවේ වියලි කලාපයේ තියෙන වැවු පොකුණු වල මඩේ. ලංකාවේ වකුගඩු රෝග හැදිලා මැස්සෝ වගේ ගොයියෝ මැරෙන්නේ කොහෙද ? එහෙම වෙන්නෙත් ලංකාවේ වියලි කලාපයේ. 

ලංකාවේ මෝඩ ගොයි රාලලා  දැන් දශක ගානක් තිස්සේ භාවිතා කරන කෘමි නාශක සහ වල් නාශක වල   තියෙන    ආසනික් , ක්‍රෝමියම් , රසදිය , කැඩ්මියම් , කොබෝල්ට් , ඊයම් වගේ බැර ලෝහ ගොවි බිම් වලින් ගහගෙන ගිහිල්ල  තැන්පත් වෙන්නේ  මේ කලාපයේ තියෙන  වැවු පොකුණු වල පතුලේ ඇති රොන් මඩ  වල.  නෙලුම් අල සරුවට වැඩෙන මේ මඩේ ඇති මේ සියලුම ලෝහ වර්ග නෙලුම් අල මගින් උරාගෙන එහි මුල් වල තැන්පත් කර ගනු ලබනවා.  මේ ගැන නොදන්නා උදවිය  රස කරමින් සිය රට දේ සිරිසැප දේ  කියමින්  ආහාරයට ගන්නේ මේ වස ගුලි.  

ඒ සම්බන්ධයෙන් කල පරීක්ෂණ වලට ලිංක් කීපයක් පහතින්, 

මට මේ තියෙන විදියට සුද්දගේ අල ගෙඩියක් , කැරට් අලයක් තම්බන් කාල ඉන්න එක ශරීර සනීපෙට හොඳයි .. සල්ලි ගෙවල  ඉල්ලං ශ්‍රීලාංකේය වහ ගිලල  හොයාගන්න බැරි ලෙඩක් හැදිලා අකාලේ ස්වර්ගත වෙනවට වැඩිය.

ලංකාවෙන් අපනයන කරන නෙලුම් අල වගේ දේට අමතරව , මෙහෙ කඩ  වල මිලදී ගන්න තිබෙන සිටවූ දිනයේ සිට වෙළඳපොළට දමන දිනය දක්වා   වස වලින්  නාවන සම්බා වගේ හාල් වර්ගත්  පරිභෝජනය  නොකර ඉන්න තරමට හොඳයි කියා මට සිතේ.  ඉන්දියාවෙන්  අපනයනය  කරන කෘමිනාශක භාවිතා නොකර නිෂ්පාදනය කරන  බාස්මති   භාවිතය ශරීර  සෞක්‍යයට වඩා හිතකරය .  

ලංකාවේ ජිවත් වෙන උදවියට මේ සම්බන්ධයෙන්  ඇති ඔප්ෂන් සිමා සහිතයි. නමුත් ලංකාවෙන් පිට ජිවත් වෙන ලාංකිකයන්ට  වස නැති ආහාර තෝරා ගැනීමට  තිබියදී  වසම කන්න උත්සාහ  කිරීම , නොදැනුවත් කම නිසා සිදුවෙන්නක් විය හැකියි.    
 

Tuesday, February 25, 2014

කියවන මිනිසා බුද්ධිමතෙක්ද ?


මට කාලෙක ඉඳං පුරස්නයක් තිබ්බා. ඒක තමයි කියවීම මිනිසා සම්පුර්ණ මිනිසෙකු කරයි(ද?) කියල. මෙතන සම්පුර්ණ මිනිහ කියල ලෝකයා සාමාන්‍යයෙන් අදහස් කරන්නේ බුද්ධිමත් තැනැත්තෙක් වීම.  ටිකක් හිතුවම තේරුනා එහෙම නෙවෙයි කියලා.     

මම දන්නා තැනැත්තෙක් ඉන්නවා . ඔහු අතට හසුවන සෑම දෙයක්ම කියවීමට හරිම කැමතියි. ඒ වගේම ඒ කියවපු කරුණු අවශ්‍ය වෙලාවක ගෙනහැර දක්වන්නත් පුළුවන්. පිටිං බැලුවම ඉතාමත් බුද්ධිමත් පරිනත බවක් පලවෙනවා . ඒ වගේම බාහිර ලෝකයා ඔහුට ඒ විදියට සලකනවා. නමුත් මා නිතර දෙවේලේ ඉතාමත් ලඟින් ආශ්‍රය කරන ඥාතියෙක් නිසා මට විතරයි තේරෙන්නේ ඔහු ඉතාමත් මෝඩ බව. ජිවිතයේ ඉතාමත් සරල දේවල් වලදී හැර අනිත් සෑම කටයුත්තකදීම ඔහු ගන්නා තීරණ ඉතාමත් වැරදියි. කිසිම තර්කානු කුල බවක් , බුද්ධිමත් බවක් ඒ තීරණ වල හෝ කටයුතු වල පෙන්නන්නේ නැහැ. එම තීරණ නිසා වෙන අලාභ , හානි බොහොමයි 

කියවීමෙන් දැනුම ලැබෙන බව නම් ඇත්තයි. නමුත් එයින් හරි ප්‍රයෝජනය ගැනීමට නම් ඒ කියවන කරුණු නුවනින් සලකා බැලීම ඉතාමත් වැදගත්. කියවන ප්‍රමාණය ට වඩා කියවන ස්වල්ප දෙයක් උනත් දිගින් දිගටම නුවනින් සලකා බලමින් ප්‍රයෝගිකව එය භාවිතා කල හැකි තැනදී  බුද්ධිමත්ව එය භාවිතා  කරන තැනැත්තා තමයි මට නම් බුද්ධිමතෙක් ලෙස පෙනෙන්නේ. 

ධුම පානය හා බැඳුනු මුඛ පිළිකා සම්බන්ධ මෙඩිකල් ජර්නල් එකක් සිගරට් එකක් බොමින් කියවන තැනැත්තා බුද්ධිමතෙක්ද ? අමු මෝඩයෙක්ද ? යන ප්‍රශ්නයත් හිතට නොආවාම නොවෙයි 
    
අප අතර ඉන්න බොහෝ අය කියවීම විනෝදාංශය කරගත්ත අය. ඔවුන් කියවන්නේ විනෝදය සඳහා මිස දැනුම වර්ධනය කරගැනීම උදෙසා නොවෙයි. එසේත් නැත්නම් ඔවුන් බුධිමත් බව යනුවෙන් අර්ථ දක්වන්නේ තමන් කියවූ දෙය , සංක්‍යා දත්ත ඒ ආකාරයෙන්ම ගිරවා දැමීමට.  නමුත් තමන් කියවන දෙය විභේදනය කරමින්,  නුවනින් අර්ථ වශයෙන් සලකා බලමින්  එහි වැදගත් දෙය ග්‍රහණය කරමින් , ඒ දේ තමන්ගේ ජිවිතයට , තමන්ගේ කටයුතු වලට ආදේශ කර ගන්න අය ඉතාමත් දුර්ලභයි.   
      
කියවන තැනැත්තෙක් දුටු පමණින් ඔහු හෝ අය බුද්ධිමතෙක් යයි හදිසි තීරණයකට එළඹෙන්න එපා. බුද්ධිමත් බව උපතින් රැගෙන එන දෙයක්. කියවීම එසේ නොවෙයි.  ඇතැම් අය කාලය ගෙවා ගැනීමට කියවනවා. ඇතැම් අය වෙන්නේ මොනවාද කියා දැනගැනීමට කියවනවා. ඇතැම් අය විනෝදය පිණිස කියවනවා. ඇතැම් අය විභාග පාස් වීම සඳහා කියවනවා. ඇතැම් අය බුද්ධිමතෙකු ලෙස පෙනී සිටීම සඳහා කියවනවා  ඉතාමත් සුළු පිරිසක් බුද්ධිය වර්ධනය කර ගැනීමට කියවනවා      

එහෙනං කියවන එකෙන් වැඩක් නැද්ද ? නැහැ කියවීම ඉතාමත් වැදගත් 
බුදුරජානන් වහන්සේ නාථකරන සුත්‍ර දේශනාවේදී දක්වනවා  බොහෝ ඇසු පිරු තැන් ඇතිබව අනාත නොවී සිටීමට උපකාරී වන එක ධර්මයක් බව. වර්තමානයේ  මේ ආකාරයෙන් බොහෝ ඇසු පිරු තැන් ඇතිකරගැනීමට ඇති පහසුම ක්‍රමයක් තමයි කියවීම.  

කියවීම මිනිසා බොහෝ ඇසූ පිරු තැන් ඇති තැනැත්තෙක් හෙවත් බහුශ්‍රුතයෙක්  නං කරයි.  බුද්ධිමතෙක් ? අනේ මන්ද ..